نوشته های مشابه
هَر کُنڈ ءَ بہ چارئے همے پریات *حسین اِنت*
ما را پہ دل ءُ سِتک دل ءَ یات *حسین اِنت*
هپتاد ءُ دوئیں یار ءُ عزیزاں گوں فدا بیت
دین ءَ پہ سَر ءُ جان وتی دات *حسین اِنت*
داں محشر ءَ اے گپ ءَ مسلمان نہ شموشیت
بے قِسمَتیں کوفیاں دَغا دات *حسین اِنت*
راجے کہ بہ گوازینیت وتی زند ءَ *حسینی*
آ راج *امیر’* زندگ ءُ درهبات *حسین اِنت*
پربند:
*امیرکلمتی*
[۸/۱۹، ۴:۲۲ بعدازظهر] کلمتی: *امام حسین (علیه السلام) نام ءَ*
کربلا ءِ قِصَّہاں درد چِست بیت اِنت باطن ءَ
گوں رسول ءَ مُحبَتِے گَر هست بیت اِنت باطن ءَ
سرمچاری دَرسِے داتگ داں اَبد شاهزادگ ءَ
نی حُسینی مِهر ءُ عشقے رَست بیت اِنت باطن ءَ
بی بی ءُ شیریں علی یے بَچّ ءُ برات اِنت زینب ئے
نام چوشیں نی کَدی مئے سُست بیت اِنت باطن ءَ
نور چشمان ءِ رسول اِنت جنّتی بہزادگے
دژمنی داریت اِشاں کس گَرست بیت اِنت باطن ءَ
ظلم ءِ دیم ءَ گوشاں کَرّ ءُ گنگ زبان ءَ کہ مہ کنت
اے وڑ ءَ انسان کُلّیں دُرُست بیت اِنت باطن ءَ
آل ءُ اصحاباں رسول ئے دوست داراں من *نصیب*’
ربّ ءُ قرآن ءُ نَبی پیوست بیت اِنت باطن ءَ
پربند:
*ناصر نصیب(برازپور)*
