نوشته های مشابه
شفقنا افغانستان- روزنامه نیویارک تایمز گزارش داده که ۱۴۳ خلبان و کمک خلبان نیروهای هوایی ارتش دولت سابق افغانستان از ماه‌ها به این سو در تاجیکستان زندانی‌اند.
به گزارش خبرگزاری شفقنا افغانستان، بر بنیاد گزارش این رسانه، این شمار از خلبانان و خدمه هواپیمای ارتش سابق افغانستان پس از سقوط این کشور به دست طالبان راهی تاجیکستان شدند و در آنجا توسط نظامیان تاجیکستان بازداشت و زندانی شدند.
یکی از خلبانان بازداشت شده به نیوریارک تایمز گفت: «ما به ارتش و دولت امریکا اعتماد داشتیم که به ما کمک می‌کنند و ما را از این وضعیت خارج می‌کنند.»
با این حال وزارت امور خارجه امریکا خاطرنشان کرده که با حکومت تاجیکستان برای خروج خلبانان نیروهای ارتش پیشین افغانستان مطابق جدول تعیین شده، ارتباط منظم دارد.
با سقوط دولت افغانستان به دست طالبان ده‌ها خلبان ارتش افغانستان با هواپیماهای شان راهی تاجیکستان شدند.
خلبان‌های افغان پس از سه بلاتکلیفی تاجیکستان را ترک کردند
شفقنا افغانستان- خلبان‌های افغان پس از سه ماه بلاتکلیفی در تاجیکستان، سه شنبه شب (۱۸ عقرب) توسط امریکا به کشور سومی منتقل شدند.
به گزارش خبرگزاری شفقنا افغانستان، گزارش شده که در پروازی که توسط امریکا برنامه‌ریزی شده‌است، در کنار ۱۴۳ خلبان ۵۰ خبرنگار نیز شامل بوده‌اند.
به گزارش رویترز که یکی از خلبانان افغان با به اشتراک گذاشتن تصاویری از سوار شدن این گروه به هواپیما، گفته که مقصدشان امارات متحده عربی است.
این گروه از خلبانان در پایان جنگ افغانستان با هواپیمای نظامی به تاجیکستان رفتند و توسط مقامات تاجیکستان بازداشت شدند و منتظر انتقال به ایالات متحده بودند. آنها امید دارند که انتقال آنها به خاورمیانه منجر به اسکان مجددشان در ایالات متحده شود.
این گروه از نظامیان افغان آخرین گروه عمده خلبانان آموزش دیده توسط امریکا بودند که با تسلط طالبان به خارج از افغانستان گریختند و در تاجیکستان در بلاتکلیفی به سر می بردند.
