نوشته های مشابه
وزارت خارجه روسیه اعلام کرده که نیروهای نظامی تاجیکستان و دولت طالبان در مرز مشترک در حال صف‌آرایی هستند.
به گزارش خبرگزاری شفقنا افغانستان، به نقل از رسانه‌های روسی، الکسی زایتسف، معاون بخش اطلاعات و مطبوعات وزارت امور خارجه روسیه امروز در یک نشست خبری گفت: «مسکو در حال جمع‌آوری گزارش‌هایی درباره تجمع نیروهای تاجیکستان و افغانستان به مرز مشترک است.»
وی افزوده است: «ما با نگرانی تنش فزاینده در روابط تاجیکستان و افغانستان را در پس زمینه اظهارات خشن متقابل رهبران تاجیکستان و دولت طالبان مشاهده می‌کنیم. گزارش‌هایی مبنی بر تجمع نیروهای مسلح توسط طرفین به مرز مشترک وجود دارد.
این مقام روسی در ادامه گفت: «ما از دوشنبه و کابل می‌خواهیم که به دنبال گزینه‌های قابل قبول برای حل وضعیت کنونی باشند.»
گفتنی است عبدالسلام حنفی، نایب رییس دولت موقت طالبان پیشتر از تاجیکستان خواسته بود که در امور داخلی افغانستان دخالت نکند.
همچنین ذبیح الله مجاهد، سخنگوی طالبان گزارش داده بود که این گروه «ده‌ها هزار نیروی ویژه را در ولایت تخار در مرز با تاجیکستان مستقر کرده است
